Домой Қоғам РЕСЕЙЛІК ДӘРІГЕРЛЕР COVID-19 КҮРЕСТЕ ӨЗ ТӘЖІРИБЕСІМЕН БӨЛІСЕДІ

РЕСЕЙЛІК ДӘРІГЕРЛЕР COVID-19 КҮРЕСТЕ ӨЗ ТӘЖІРИБЕСІМЕН БӨЛІСЕДІ

COVID-19 қарсы күресте практикалық және консультациялық қолдау көрсету үшін Мәскеуден арнайы рейспен ресейлік дәрігерлер делегациясы келді.

Қазақстан мен Ресей басшылығы арасындағы келісімдерді жүзеге асыру аясында Нұр-Сұлтан қаласына РФ Денсаулық сақтау министрінің орынбасары Олег Гриднев бастаған 32 жетекші маман келеді, бұл дәрігерлер бұрын зерттелмеген жаңа инфекциямен қарсы күрес шараларына тікелей қатысқан.

«Қазақстандық және ресейлік дәрігерлер өзара тәжірибе, білім алмасуды дәстүрге айналдырған. Қазір бүкіл әлемде ғалымдар мен дәрігерлер коронавирус инфекциясын емдеудің жаңа тактикалары мен әдістерін зерттеп, белсенді түрде тәжірибе алмасуда. Медициналық қоғамдастықтың ынтымақтастығы мен екі елдің жоғары басшылығы арасындағы келісімнің арқасында ресейлік және қазақстандық дәрігерлердің тәжірибе алмасуға мүмкіндігі бар. Біз әріптестерімізді Қазақстанда қуана қарсы аламыз»,- деді ҚР Денсаулық сақтау министрінің бірінші орынбасары Мұрат Шоранов.

Мәскеулік дәрігерлер делегациясы медициналық ұйымдарға практикалық қолдау көрсетеді.
Дәрігерлердің арасында инфекционист, реаниматолог, анестезиолог-реаниматолог, эпидемиолог, пульмонологтар бар.
Сондай-ақ, ресейлік әріптестерді аса мұқтаж өңірлерге жіберу жоспарда бар.