«Сыбаға» бағдарламасының арқасында шаруасын дөңгелетіп отырған шаруалар бар. сондай жанның бірі Түркістан облысында Кентау қаласы Ескі Иқан ауылының тұрғыны Зухриддин Зайнилов. Осыдан екі жыл бұрын ғана 50 басты ірі қара алып, бордақылап, оның етін сатуды қолға алған болатын. Бүгін бұқалардың саны 100-ге жетіп отыр. Айына 2-3 тоннаға дейін көршілес Өзбекстан мен өзіміздің елдің әр облыс аудан-қалаларына экспортталуда. Жалпы Кентау қаласында ағымдағы жылдың 6 айында «Сыбаға» бағдарламасы бойынша: 800 бас ІҚМ алу жоспарланған болса бүгінде 740 бас ірі қара мал алынды. Оның ішінде 52 бас аналық сиыр. Тапсырма 92,5% орындалып отыр. Ал, Ескі Ихан ауыл округінде 52 мың уақ мал, 19 мың ірі қара 1500 жылқы және 60 шағын мал бордақылау алаңдары бар. Соның ішінде ірі қара шаруашылығы өнімді көп беретін сала болғандықтан айналысушылар саны да көбейе түсуде.
