Домой Басты жаңалықтар Түркістанда «Елбасы және Қазақстан» атты көрме өтті

Түркістанда «Елбасы және Қазақстан» атты көрме өтті

Түркістанда Қазақстан Республикасының Тұңғыш Президенті, Елбасы Н.Ә.Назарбаевтың халық алдында атқарған қызметін, еліміздің жеткен жетістіктерін көпшілікке кеңінен насихаттау мақсатында «Елбасы және Қазақстан» атты көрме өтті. Онда Елбасыға арналған 150-ден астам кітаптар мен 200-ден астам естелік мағлұматтар жиынтығы қойылды.
Іс-шараны ашқан облыстық мәдениет және тілдерді дамыту басқармасының бастығы Нұрдәулет Исабек көрменің мақсатын кең көлемде айтып өтсе, Елбасымен Теміртауда бірге оқыған курстасы Әсетулла Каримов пен жас ақын Мұқағали Кенжетайұлы елді дамудың даңғыл жолына бастаған Елбасының ұлы істеріне тоқталды.
Көрмеде Қазақстан Республиасының Тұңғыш Президенті Н.Ә.Назарбаевтың өмірі мен еңбек жолы, халық алдында атқаран қызметтері, еліміздің жетістіктері кең көлемде қамтылған. Олардың ішінде Н.Ә.Назарбаевқа арналған кітаптар, қызметі туралы құжаттар, фотоматериалдар, жеке қолданған заттары бар.
Іс-шараға зиялы қауым өкілдері мен ардагерлер, студенттер, мәдениет, білім салаларының қызметкерлері мен БАҚ өкілдері қатысты.
Өнерпаз жастар Елбасына арналған әндерді орындап, көпшіліктің қошеметіне бөленді.