Шардара ауданында экологиялық «ECO-challenge» акциясы өтуде. Аудандық «Жастар ресурстық орталығының» ұйытқы болуымен жастардың туған жерге деген сүйіспеншілігін арттыру және өңірдің тазалығына көңіл аудару, ауданды күл-қоқыстан тазарту мақсатында ұйымдастырылған іс-шараға белсенді жастары қатысуда.
Бүгінде ағаның ақылын, атаның батасын алған жастар туған жерінің тазалығы мен көркі үшін аянбай еңбек етіп, ағаш көшеттерін отырғызып, көшелер мен аулаларды тазалап, абаттандыру жұмыстарын атқаруда.
Жастардың ауылды гүлдендіру жолында бірігуі – бұл өскелең ұрпақты ауданның дамуына жұмылдырып, патриоттық рухта тәрбиелеудің тамаша үлгісі болуда.
