Домой Әлеумет БІРЛЕСЕ БІЛГЕН ЕЛ БӘРІН ЖЕҢЕДІ

БІРЛЕСЕ БІЛГЕН ЕЛ БӘРІН ЖЕҢЕДІ


Нұр-Сұлтан қаласы әкімдігінің мемлекеттік академиялық филармониясы халық әні әншісі, Республикалық конкурстардың лауреаты
Айдос Оңғарбай :
Сәрсенбінің сәтті күнінде еліміздің Тұңғыш Президенті – Елбасы қазақстандықтарға терең ойлы, толғанысқа тұнып тұрған мақаласын жариялады. «Бірлесе білген ел бәрін жеңеді» деп аталатын мақалаға Нұрсұлтан Әбішұлы 30 жылдағы Қазақстанның жеткен жетістіктерін атап өтіп, ел болашағы – жастарға тағы бір мәрте сенім артқан.
Иә, Тәуелсіздік алған жылы дүние есігін ашқан жан 30 жасқа толады. Кемел елдің толағай табыстарын осы бір ғана адамның өсіп-өнуімен салыстырсақ, көп істің тындырылғанына көз жеткіземіз.
Яғни, бүгінгі 30 жастағы жігіт Тәуелсіздіктің арқасында мектепке барды, жетік білім алды. Кейін жоғары оқу орнына түсіп, «Болашақ» бағдарламасымен шетел асып, білім жинап, ғылымды меңгерді. Оның саулығы үшін «Саламатты Қазақстан» бағдарламасы аясында бой көтерген заманауи ауруханалар, әлемдік деңгейдегі ең озық техникалармен жабдықталған медициналық орталықтар керегіне жарады. Елбасының әлем елдерімен тереземізді теңестіру үшін қабылданған, ұсынылған стратегиялық шешімдері бейбітшілікте өмір сүруіне кепіл болып жатыр.
Сол 30 жастағы жігіттің табысты жұмыс істеуіне де барлық жағдай жасалуда. «Үдемелі индустриалды-инновациялық даму» бағдарламасымен ашылған талай кәсіпорын, зауыттарда қызмет атқарып, кәсіп иесі атануға мол мүмкіндік берілген. Бір сөзбен айтқанда, тамағы тоқ, көйлегі көк. Ал оның уайымы Тұңғыш Президент атап өткендей, жамандықтан, жат әдеттен сақтанып, игі істер жасауға ұмтылу. Үлкенге – ізетті, кішіге – қамқор, бір-біріне дос болу. Және Абайдың «Біріңді қазақ, бірің дос, көрмесең істің бәрі бос» деген өсиетін естен шығармай, аянбай еңбек етіп, тер төгу.
Елбасы Нұрсұлтан Назарбаевтың «қазіргі «қой үстіне бозторғай жұмыртқалаған» заманда ауызбіршілікте, ынтымақтастықта болып, пандемияны бірлесе еңсереміз» дегені көңілге сенім ұялатады. Менің де айтпағым, кералаң заманды бастан өткерген Қазақстан халқы дағдарыстан да, пандемиядан да аман-есен шығады. Біз әрдайым біргеміз!