Бүгін Түркістан қаласының әкімі Рашид Аюпов Арыс қаласындағы Түркістан штабына барып, атқарылып жатқан жұмыс барысымен танысты.
![](https://dingek.kz/wp-content/uploads/2019/07/66306402_2370168646576610_6879686079385960448_n-kopirovat.jpg)
Қазіргі уақытта Түркістан және Нұр-Сұлтан қаласы 9-шы учаскеге жауапты. Онда 600 жеке меншік, 59 көпқабатты үйлер, 6 әлеуметтік және 22 коммерциялық нысандар орналасқан. Соның ішінде 10 жеке үй мен 5 көпқабатты үй тұруға жарамсыз күйге түскен. 30 үй жөнделді, қазіргі уақытта 65 жеке және көп қабатты үйлерде жөндеу жұмыстары жүргізілуде. Нұр-Сұлтаннан 11 компания мен 186 жұмысшы тартылды. Жергілікті тұрғындарға 38 тонна азық-түлік таратылды. 245 тонна қоқыс шығарылды. Түркістан қаласынан 1 камаз, 1 жүк тиегіш, 1 автобус және 1 су тасушы көліктер жұмылдырылғанын айта кеткен жөн.
![](https://dingek.kz/wp-content/uploads/2019/07/66055161_2370168136576661_6750749090985803776_n-kopirovat.jpg)
Тиісті шараларды уақытында және сапалы атқару үшін жұмыстарды жүйелі түрде жүргізу қажеттігін алға тартқан қала әкімі жауаптыларға бекітілген аумақтағы нысандарды өз деңгейінде қалпына келтіру барысындағы тапсырмаларын берді.