«Әйел теңдігі – әлем тағдыры» атты кеңейтілген кітап көрмесі ұйымдастырылды.
Бүгінде әйелдер саясатта, бизнесте, экономиканың барлық салаларында ер
азаматтармен қатар еңбектеніп, қабілет дарынымен, іскерлігімен көзге
түсіп қана қоймай, мемлекетіміздің өсіп – өркендеуіне өз үлестерін
қосуда.
Халықаралық аренада әйелдердің саяси көшбасшылығы уақыт
өткен сайын айқындалып келеді. Жалпы әйел заты қазақ қоғамы үшін
қазақ мемлекеті үшін қашанда ардақты саналған. Еліміздің де тең
жартысы әйел қауымынан тұрады. Бүгінгі таңда әйелдер ошақ басындағы
қазанның құлағында емес, денсаулық сақтау, ағартушылық жүйенің,
мемлекеттік қызметтің, сондай-ақ, бизнестің де құлағын ұстағанына
қарамастан отбасының жарасымдылығына көп үлес қосып отырғаны жасырын
емес.
Гендерлік саясатқа көңіл бөлуі жақсы көрсеткіштерге алып
келетіні сөзсіз. Әйелдер өздерінің жеке басының әлеуеті мен адами
әлеуетін іске асыра отырып, әлеуметтік дамудың барлық процесстеріне тең
дәрежеде қатысатын болады. Осының бәрі елдегі азаматтық қоғамның одан
әрі жетілуіне ықпал ететін болады – деді Елбасымыз Н.Назарбаев.
