Бүгінгі таңда күзгі дала жұмыстарына жеңілдетілген бағамен мемлекет тарапынан бөлінетін жанар-жағармай өнімдері шаруаларға беріле бастады.
Ал осы мақсатта биыл Арыс қаласына облыстық ауыл шаруашылығы басқармасы тарапынан жанар-жағармай бағасы 170 теңгеден бекітіліп, 1 690 тонна лимит бөлінген.
Қазіргі кезде шаруаларға бөлінген жанар-жағармайды жеткізуші оператор ретінде «ҚазПетройлТрейд» және «Sanali group» ЖШС-і анықталған.
Сондықтан жеңілдетілген жанар-жағармайды алу үшін шаруалар алдын-ала қамданғаны жөн. Яғни, шілде айының алғашқы онкүндігінен бастап үміткер шаруалар қанша тонна жанармай алатынын анықтап, өз аумағындағы ауыл әкімшіліктеріне өтініш беруі тиіс.
Ал ауыл әкімшіліктері Арыс қалалық ауыл шаруашылығы бөліміне тізім ұсынады.
Айта кетейік, ауыл шаруапшылығына, оның ішінде егін шаруашылығына қажетті жеңілдетілген жанар-жағармай тауар өндірушілерге екі маусымда, яғни көктем мен күзгі дала жұмыстарына беріледі.
