Сарыағаш ауданаралық Әділет басқармасы мен Жастар ресурстық орталығының мамандары Сарыағаш қаласының тұрғындарына құқықтық кеңес берді.
Халыққа қызмет көрсету орталығында адвокаттар мен заңгерлер, нотариалдық кеңсе қызметкерлері, жеке сот орындаушылар жылжымайтын мүлікті рәсімдеу, жер алу, алимент мәселесі бойынша түсіндіру жұмыстарын жүргізді. Сондай-ақ, сенімхаттар мен өсиетнаманы рәсімдеу бойынша жиырмаға жуық өтініштерді қарастырды.
Азаматтарға құқықтық кеңестермен қатар, жастарға арналған мемлекеттік бағдарламаларды түсіндіріп, ақпараттар жазылған парақшаларды таратты.
Іс-шара Құркелес ауылдық округіндегі Жібек жолы базарында да жалғасын тапты.
