Білім күніне орай облыстағы білім беру ұйымдарында алғашқы қоңырау үні сыңғырлап, «Мектебім – мейірім мекені» атты салтанатты шара ұйымдастырылды.
Түркістан облысы әкімі Дархан Амангелдіұлының бастамасымен 300-ден астам білім ордасында жөндеу жұмыстары жүргізілді. Облыс әкімінің орынбасары Бейсенбай Тәжібаев инфрақұрылым жұмыстарын жіті бақылап, назарында ұстады. Солардың бірі Түркістан қаласындағы Бауыржан Момышұлы атындағы №22 жалпы білім беретін мектепте өткен мерекелік шараға облыс әкімінің орынбасары қатысып, білім ұясының жөндеуден кейінгі жағдайы мен танысып, әрі мерекеде мектеп табалдырығын енді аттаған бүлдіршіндерге жылы лебізін білдірді
– Баршаңызды бүгінгі мерекемен құттықтаймын! Жаңа оқу жылында облысымыздағы орта білім беру ұйымдарының желісі 1060-қа артты. Оқушылардың болжамды контингенті 500 мыңнан асады. Оның ішінде 1-сыныпқа 52 593 бала қабылданып отыр. Биыл үнемделген қаражат есебінен 300-ден аса білім беру ұйымына жөндеу және табиғи газға ауыстыру жұмыстары жүргізілуде. Бұл дегеніміз облыстағы әрбір үшінші мектеп жаңартылды деген сөз. Жаңа оқу жылы табысты болсын! – деді облыс әкімінің орынбасары.
Аталған білім ордасы 2007 жылы пайдалануға берілген. 800 орынға арналған білім ұясы биыл ағымдағы жөндеуден өтті. Шатыр жабылып, мектеп сырты толық боялды. Электр сымдары, ішкі және сыртқы шамдар ауыстырылды. Мектеп дәліздері ретке келтірілді. Әжетханасы жаңартылды. Алты оқу кабинетінің едендеріне тақтай қағылды, тоғыз сыныптың жылу жүйесі ауыстырылды.
Жаңа оқу жылында Түркістан облысындағы орта білім беру ұйымдарының желісі 1060-қа артты. Оқушылардың болжамды контингенті 530 000 оның ішінде 1-сыныпқа қабылданатын балалар саны — 52 593 болды. Бұл – үлкен көрсеткіш!
Бүгін, Білім күніне орай Түркістан облысының барлық білім беру ұйымдарында алғашқы қоңырау соғылды. Мектеп табалдырығын алғаш аттаған 1 сынып оқушылары мен 11 сынып оқушыларының қатысуымен «Мектебім – мейірім мекені» тақырыбындағы салтанатты шара ұйымдастырылды.
Облыс халқының 38%-ы балалар мен кәмелетке толмаған жасөспірімдер.
Еліміздегі әрбір 7-ші оқушы біздің облыста.
Бұл республикадағы ең үлкен көрсеткіш.
Қазіргі таңда, облыста 2-6 жастағы 187 612 бала мектепке дейінгі тәрбие, яғни балабақшаға барады.
Мемлекет басшысының тапсырмасына сәйкес жемқорлық жолымен табылған қаржылар мемлекетке қайтарылып, мектеп құрылысына жұмсалуда. Осы қор арқылы облыста 20 мектептің құрылыс жұмыстары жүруде. Оның ішіндегі 13 мектеп биыл пайдалануға беріледі. Сонымен қатар, биыл облыстағы апатты және үш ауысымды мектептердің мәселесі толығымен шешіледі.
Осы мақсатта 29 Жайлы мектеп құрылысы жүргізілуде, онда 14 мың оқушы білім алатын болады. Облыстағы 300-ден астам білім мекемесінде жөндеу жұмыстары жүргізілді.
Биыл үнемделген қаражат есебінен 350-ге жуық білім беру ұйымына жөндеу және табиғи газға ауыстыру жұмыстары жүргізілуде. Бұл дегеніміз облыстағы әрбір үшінші мектеп жаңартылды деген сөз.
Жаңа оқу жылында 62 мектепке 265 арнайы пән кабинеттері алынуда. Мектептердегі интернет жылдамдығын ретке келтіру мақсатында ағымдағы жылы 330 мектепке Starlink құрылғысы орнатылды.
Сонымен қатар, жаңа оқу жылында мемлекеттік 910 мектептегі 221 мың оқушы бір реттік тегін ыстықтамақпен қамтамасыз етіледі.
Түркістан облысында 50 колледж жұмыс жасайды,онда 71 мамандық бойынша 30 000 студент білім алуда(мемлекеттікте – 17 271, жекеменшікте – 13 110).
Жаңа оқу жылы жақсылығымен келіп, жоғары жетістіктерге қол жеткізейік!
