Түркістан қаласында жаңадан бой көтерген Оқушылар сарайы өз жұмысын бастады. Жалпы, Облыстық Оқушылар сарайының құрылысын «Самұрық-Қазына ұлттық әл ауқат қоры» жүргізген болатын. Сарай аумағы 12 мың шаршы метр. Ғимарат заман талабына сай жабдықталған. Жұмысы жаңадан жанданып келе жатқан білім шаңырағында Астанадан, Алматыдан келген өз саласының талантты әрі тәжірибелі мамандары әртүрлі бағыттағы студиялар мен үйірмелерге жетекшілік етеді.Оқушылар сарайында жас жеткіншектеріміздің шығармашылық қабілетін дамытып, бос уақытын тиімді ұйымдастыруына барлық мүмкіндік жасалған. Мұнда Технопарк, «Sana» IT орталығында (Робототехнка, фотоАрт, Web дамыту, Мобилография, логика дамыту, 2D және 3D модельдеу), Өнер орталығы (кескіндеме, қолөнер, зергерлік өнер, мүсін және керамика, былғары жұмыстары, суретші), Тіл үйрету орталығы (5 шет тілі), Спорт бөлімі (шахмат, футбол, баскетбол, волейбол, гимнастика, балет, спорттық бал билері мен халық билері, заманауи би үйірмелері бар). Ғылым орталығы ( физика, математика, биология, химия, тарих т.б барлық пәндер бойынша Дарын, Білім иновация мектептеріне және Назарбаев зияткерлік мектептеріне (дайындық), Шығармашылық орталығы (вокал, актерлік өнер, сатира өнері, дәстүрлі ән, аспаптарда орындау), Продюссерлік орталықта балалар тележурналистикасы, анимация, фото-бейне түсірілімдерді монтаждау т.б барлығы 60-қа жуық үйірме жұмыс істейді. Оқушылар сарайында 1000-нан астам оқушының қосымша білім алуына мүмкіндік бар.Тұл жартылай жетім, арнаулы білімді қажет ететін балаларға білім алу тегін. Көп балалы отбасынан шыққан оқушыларға және тұрмысы төмен және мемлекеттен әлеуметтік көмек алатын отбасының балаларына жеңілдіктер қарастырылған.Бүгін аталған сарай ұжымы мен ондағы білім алатын оқушылардың өнері мен білім дері сараланып, бір айлық есеппен айшықталды. Бас ұстаз бірқатар өнерлі өрендерімізге алғысын білдіріп, марапаттады.
