Қазақ журналистикасы мен ұлттық публицистикасыныңқалыптасуы мен дамуына өлшеусіз үлес қосқанқаламгерлердің қатарында Қазақстанның еңбек сіңіргенқайраткері, публицист, қоғам қайраткері КөшкінбайЕлікбаевтың орны ерекше. Саналы ғұмырын сөз өнеріне, елдік мұратқа және ұлттық руханиятты ұлықтауға арнағанқаламгердің шығармашылық жолы – кейінгі буынға өнеге, қалам иелеріне үлгі. Көшкінбай Елікбаев – сөздің қадірін терең түсініп, қаламның қасиетін жоғары бағалаған тұлға. Оның публицистикалық мақалалары қоғамдық ойдыңқалыптасуына, ұлттық сананың жаңғыруына және тарихижадымыздың жаңаруына қызмет етіп келеді. Қаламгершығармаларының өзегінде елдік мүдде, ұлттық тәрбие, анатілі, әдебиет, мәдениет, тарих және рухани құндылықтармәселесі кеңінен көрініс табады. Журналистік қызметінде Көшкінбай Елікбаев қазақ баспасөзінің өркендеуіне сүбелі үлес қосты. Ұзақ жылдар бойы өңірлік қоғамдық-саясибасылымдарда жемісті еңбек етіп, әсіресе «ОңтүстікҚазақстан» газетінде жарық көрген мақалалары арқылықоғамдағы өзекті мәселелерді көтерді. Оның әрбір мақаласыоқырманды ойландыруды, ұлттық құндылықтардыбағалауды және ел болашағына жауапкершілікпен қараудымақсат етті. Публицист шығармашылығының басты ерекшелігі – тарихи дерек пен өмір шындығын көркем тілмен ұштастыра отырып, қоғамдық ойға ықпал ете білуінде. Ол қай тақырыпты қозғаса да, мәселенің мәнінтерең ашып, ұлттық мүдде тұрғысынан пайымдайды. Сондықтан оның еңбектері тек ақпараттық қана емес, тәрбиелік әрі танымдық құндылығымен ерекшеленеді.Көшкінбай Елікбаевтың қаламынан туған дүниелерде халқымыздың салт-дәстүрі, ел тарихы, ұлт зиялыларының өнегелі өмірі, тәуелсіз Қазақстанның жетістіктері кеңінен насихатталады. Оның шығармаларынан туған жерге дегенсүйіспеншілік, ел тағдырына деген жанашырлық пен азаматтық ұстаным айқын сезіледі. Бұл – нағыз публицистке тән қасиет. Журналистика саласындағы ұзақ жылғы адалеңбегі мемлекет тарапынан жоғары бағаланып, КөшкінбайЕлікбаевқа «Қазақстанның еңбек сіңірген қайраткері» құрметті атағы берілді. Сонымен қатар ол туған өлкесініңқоғамдық және рухани өміріне қосқан үлесі үшін Төлебиауданының Құрметті азаматы атанып, «Үздік қаламгер» номинациясымен марапатталды. Қаламгердің шығармашылық мұрасы тек бүгінгі буын үшін ғана емес, келешек ұрпақ үшін де маңызды рухани қазына болып табылады. Оның мақалалары мен публицистикалық еңбектері ұлттық құндылықтарды дәріптеп, жас ұрпақты елін сүюге, тарихын құрметтеуге және рухани бай болуға үндейді. Қалам иесінің басты ұстанымы – шындықты айту, әділдікті қорғау және ұлт мүддесіне қызмет ету. Сондықтан да Көшкінбай Елікбаевтың шығармашылық жолы қазақ журналистикасының тағылымды мектебі ретінде бағаланады. Бүгінде Көшкінбай Елікбаевтың есімі қазақ журналистикасы мен ұлттық публицистикасында өзіндік орны бар қаламгер ретінде құрметпен аталады. Оныңөнегелі еңбегі, азаматтық ұстанымы және шығармашылықмұрасы кейінгі буын журналистер үшін әрдайым үлгі болыпқала береді. Сөздің қасиетін биік қойған, қаламныңжауапкершілігін терең сезінген тұлғаның өмір жолы – елгеадал қызмет етудің, ұлттық руханиятқа қалтқысыз еңбекетудің жарқын көрінісі.
Түркістан облыстық «Фараб» әмбебап ғылыми кітапханасының сектор меңгерушісі Балнұр ПЕРНЕХАН
