Кентау көпсалалы колледжі « Ұшқыр ой » дебат клубының және « Саналы ұрпақ » жобалық кеңсесінің ұйымдастыруымен І, ІІ курс топтары арасында « Ғарыштық ұшуларды шектеу керек пе? » атты тақырыпта дебат ойыны өтті. Аталған Дебатқа ЭС-20-1, ГС-20-1, СЭЗиС-21-1, АТ-21-1, ВТиС-21-1, ББМ-21у-1 оқу топтарының ойыншылары қатысты. Жалпы жартылай финалға ББМ-21у-1, ВТиП-21-1, ГС-20-1, СЭЗиС-21-1 оқу топтарының ойыншылары үздік танылып, жолдамаға ие болды.
Қазiр адамзат өз өмiрiн ғарышсыз елестете алмайды. 1961 жылдың 12 сәуiрiнде Ю.Гагарин алғаш ұшқанда, ешкiм де дәл бүгiнгiдей бәрi мобильдi, бәрiн де ғарыштан бақылауға болатын заманға жететiнiн ойламаған болар. Ғарышты игеру өмiрдiң барлық саласына жаңалық әкелдi. Мәселен, ауыл шаруашылығын дамыту керек дейiк. Ол үшiн ауа райының құбылысы, мал жайылымы, ауыз судың жеткiлiктiлiгi бақылануға тиiс. Ал оны бақылау тек ғарыш арқылы жүзеге асады. Бұл пiкiрдi мәжiлiс депутаты Мұрат Әбеновтың сөзiмен түйiндесек: «Чехияда iс-сапарда болдым. Олардың бос жатқан жерiн көрiп, неге игермейтiнiн сұрадым. Сонда олар: «Бiздер, Еуропа елдерi, «белгiлi бiр дақыл түрлерiн ғана отырғызамыз» деген келiсiм-шартқа отырдық. Бұл жер – игерiлмеуге тиiс жер, сол үшiн де ақы төлейдi» дедi. Қызық көрiп: «Сiздердi қайдан бiледi? Берген ақшаны алып, қосымша неге пайда таппасқа?» – деп сұрағанымда, «бәрi ғарыштан бақыланады» дедi. Демек, дамыған елдер бiр-бiрiмен бәсекелес болмас үшiн шектеу қойған. Егер еккен өнiм өтпей қалса, ысырап болады. Мiне, ғарыштың пайдасы» – дейдi М.Әбенов.
