Білім мен зияткерлікті қатар алып жүруі үшін қолға алынған «Эрудит» интеллектуалды ойыны жалғасын табуда.Жобаның мақсаты – дарынды жастарды анықтау, олардың танымдық қызығушылықтарын ояту арқылы білім деңгейін көтеру, сондай-ақ жастардың бос уақытын тиімді пайдалануға ықпал ету. «Эрудит» интеллектуалды ойыны 2022 жылдың 17-ақпан күні, Ақсу ауылы, «Diamond» салтанат сарайында өтті. Қатысамын деген командалардың бәріне есік ашық болды.Аталған іс-шараға Сайрам ауданы әкімдігі мен «Nur Otan» партиясы Сайрам аудандық филиалы қолдау білдіріп, облыстық мәслихаттың депутаттары Динара Егамбердиева және Бекжан Айтқұловтар демеушілік жасады. Ойынға облыстық және аудандық мәслихат депутаттары, аудан әкімдігі мен «Nur Otan» партиясының қызметкерлері, ассамблея мен зиялы қауым өкілдері, арнайлы орта оқу орындарынан, сондай-ақ еркін құрамаларды қосқанда 22 команда қатысты. Жеңімпаз командаға арнайы кубок табысталып, демеушілер тарапынан қаржылай сияпат көрсетілді. 1-орынды Бәйдібек ауданынан келген «Ві-Ві-Si» командасы 2-орынды Сайрам аудандық адами әлеуетті дамыту бөлімінің №33 Н.Шойынбаев ЖОМ-нің «Кемеңгер» командасы; 3-орынды Қарасу ауылындағы Байтұрсынов ЖОМ-нің «Ustaz star_83» командасы жеңіп алды.
