Жобаның мақсаты – мектеп бітіргендеріне 10, 15 және одан да көп жыл болған түлектерді құр ішіп-жеу, тойлау емес, игі іске шақыру. Мектеп бітірген түлектерге орынсыз сән-салтанат орнына білім алған мектебіне көмек көрсету жөнінде үндеу жолданды. Нәтижесінде былтыр түлектердің көмегімен мектептердің материалдық-техникалық базасын жабдықтауға 9 млн.145 мың теңге жұмсалды. Алдағы уақытта бұл жоба цифрландыру жүйесі арқылы жүзеге асырылмақ.
