Түркістан қаласында Қожа Ахмет Ясауи кесенесінің аумағын абаттандыру жөніндегі жобаларды үйлестірудің жедел мәселелері бойынша ғылыми-әдістемелік кеңестің отырысы өтті.
Кезекті басқосуға Мәдениет және спорт министрлігінің Мәдениет және өнер департаментінің басшысы, ғылыми-әдістемелік кеңестің төрайымы Күміс Қарсақбайқызы, ЮНЕСКО өкілдері, сарапшылар, тарихшылар мен ғалымдар, „Әзірет Сұлтан“ мемлекеттік тарихи-мәдени қорық-музейі, Түркістан қаласы әкімдігінің өкілдері, „Қазқайтажаңарту“ кәсіпорны, „Базис-А“, «Энвикон-А» құрылыс компаниясы мен сәулетшілер қатысты.
Министрліктің ұйымдастыруымен төртінші рет бас қосқан үйлестіру кеңесінің мүшелері „Әзірет Сұлтан“ қорық-музейі аумағындағы тарихи-мәдени орындарды абаттандыру жан-жақты мәселелерді талқылады.
